Comments Add Comment

प्रचण्डलाई चिनियाँ राजदूतलेसमेत तपाईं र आरजुबीच दिल्लीमा सहमति भयो रे भनेपछि………

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले आफ्नो दिल्ली भ्रमणका बेलामा कुनै पनि नयाँ समझदारी र सहमति नभएको स्पष्ट पारेका छन् ।

पोखरा पुगेका प्रचण्डले सञ्चारकर्मीहरुसँग कुरा गर्दै यस्तो बताएका हुन् ।

उनले भारत भ्रमणपछि अनावश्यक हल्ला फैलाइएको र त्यो काम एमालेका कार्यकर्ताले गरेको संकेत गरे ।
उनले अमुक पार्टीका कार्यकर्ताले बढी हल्ला गरेको बताएका थिए ।

“आरजु राणा प्रधानमन्त्रीको परिवार पनि हो । स्वास्थ्य उपचारका लागि दिल्लीमा हुनुहुन्थ्यो । मेरो भारत भ्रमणका बेला आरजु पनि त्यहाँ (दूतावासमा) आउनुभएको थियो । सामान्य औपचारिकता र स्वास्थ्यलाभको कामनाबाहेक केही कुरा भएको होइन,” प्रचण्डले भने, “त्योभन्दा बढी हुने कुरा भएन । एउटा राजनीतिक दलसँगका मानिसले भारतीयलाई समेत राखेर सहमति भयो भन्ने कुरा गरे । त्यो विल्कुल नियोजित झुटा प्रचार हो । हाम्रो पार्टी र मलाई बदनाम गर्ने नियत हो । त्यसपछि चिनियाँ राजदूतले समेत तपाईं र आरजु भारतमा बसेर सहमति गर्नुभयो रे ? भनेर चासो राख्नुभयो । मलाई अनौठो लाग्यो ।”

उनले नागरिकता विधेयकका विषयमा पनि त्यसैगरी हल्ला फैलाइएको भन्दै चिन्ता व्यक्त गरे ।

“कुनै साइनो सम्बन्ध नभएको नागरिकता विधेयक पनि म भारतबाट आएर अघि बढाएको भनियो, त्यसमा पनि सत्यता छैन,” उनले भने ।

यो खबर पढेर तपाईलाई कस्तो महसुस भयो ?

ट्रेन्डिङ

सम्बन्धित खवर

Advertisment

छुटाउनुभयो कि? सबै