Comments Add Comment

कार्यकारी निर्देशक बनाइदिन्छु भन्दै श्रममन्त्रीले मागे चुनावी खर्च

काठमाडौं, भदौ ४ । श्रम रोजगार तथा सामाजिक सुरक्षामन्त्री शेरबहादुर कुँवरले वैदेशिक रोजगार बोर्डको कार्यकारी निर्देशक बन्न सिफारिस गरिएका व्यक्तिसँग पार्टीलाई सहयोग गर्नुपर्ने र चुनावी खर्चको व्यवस्थापन गर्नुपर्ने भन्दै रकमको जोहो गर्न आग्रह गरेको पाइएको छ ।

मन्त्रीले त्यस्तो आग्रह गरेपछि नियुक्तिका लागि सिफारिसमा परेका व्यक्ति बिलखबन्दमा परेका छन् । यद्यपि, सिफारिसमा परेकाहरूले नियुक्ति खानका लागि राजनीतिक भेटघाटलाई अघि बढाउँदै आइरहेका छन् ।

कुँवर नेकपा एकीकृत समाजवादीका तर्फबाट श्रममन्त्रीका रूपमा कार्यरत छन् । मन्त्री कुँवरले वैदेशिक रोजगार बोर्ड तथा अन्य विभिन्न कोषबाट समेत मिलाएर चुनावी खर्चको व्यवस्थापन गर्न सक्ने व्यक्तिलाई बोर्डको कार्यकारी निर्देशक बनाउने गरी गृहकार्य अघि बढाएको मन्त्रालय स्रोतले जानकारी दिएको छ ।

श्रम, रोजगार तथा सामाजिक सुरक्षा मन्त्रालयले वैदेशिक रोजगार बोर्डको कार्यकारी निर्देशक नियुक्तिका लागि सरकारसमक्ष ३ जनाको नाम सिफारिस गरिसकेको छ । सिफारिस हुनेहरूमा डा। द्वारिका उप्रेती, निर्मलकुमार उप्रेती र युवराज बस्नेत छन् । तीनै जनाको नाम मन्त्रिपरिषद्मा पठाइएको भए पनि मन्त्रिपरिषद् बैठकले मन्त्री कुँवरकै रुचिअनुसार एक जनालाई कार्यकारी निर्देशकमा छनोट गर्नेछ ।

सिफारिस भएका तीनै जनाले आफुलाई नियुक्ति गर्नुपर्ने भन्दै राजनीतिक भेटघाटलाई तीव्रता दिँदै आएका छन् । सोही क्रममा मन्त्री कुँवरले सिफारिस भएकासँग कार्यकारी निर्देशक बन्न पार्टीलाई निर्वाचनमा रकमको जोहो गर्न सक्ने व्यक्ति हुनुपर्ने बताएको स्रोतको दाबी छ ।

सिफारिस भएका तीन मध्ये एक जनाले केही दिनअघि मात्रै मन्त्री कुँवरलाई भेटेर आफुलाई नियुक्त गरेमा वैदेशिक रोजगारमा देखिएका विभिन्न समस्यालाई समाधान गर्ने र वैदेशिक रोजगार बोर्डमा पनि व्यापक सुधार गर्ने भन्दै आफ्नो विस्तृत कार्ययोजना मन्त्रीसमक्ष सुनाएका थिए । तर, मन्त्रीले तपाइँ बोर्डमा आएपछि वैदेशिक रोजगार कोष तथा अन्य मातहतबाट चुनावी खर्चको पनि जोहो गर्नुपर्छ कि भन्दै घुमाउरो पाराले रकमको माग गरेका थिए । राजधानी दैनिकबाट

यो खबर पढेर तपाईलाई कस्तो महसुस भयो ?

ट्रेन्डिङ

सम्बन्धित खवर

Advertisment

छुटाउनुभयो कि? सबै