Comments Add Comment

`आलोपालो प्रधानमन्त्रीको भद्र सहमति’पछि प्रचण्ड भन्छन् : `समाजवादी केन्द्र बन्दैन ´

काठमाडौं, १३ साउन । नेकपा माओवादीले १ फागुन २०५२ मा जनयुद्ध सुरु गर्दा शेरबहादुर देउवा प्रधानमन्त्री थिए । देउवा प्रधानमन्त्री हुँदाको माओवादी जनयुद्ध सुरु हुन संयोग हुनसक्छ । तर, उनी प्रधानमन्त्री हुँदा वार्ताको विषय पनि उठे । तर, जब जब देउवा प्रधानमन्त्री भए तब तब माओवादीले शक्ति सञ्चय गर्न सक्यो ।

शान्ति प्रक्रियामा आएपछि माओवादी अध्यक्ष प्रचण्डले अन्य दलका नेताहरुभन्दा सबैभन्दा निकटता प्रचण्डसँग नै बनाए । प्रचण्डको साथ पाएर देउवा चौंथोपटक प्रधानमन्त्री भए ।

देउवा तेस्रोपटक प्रधानमन्त्री भएर तत्कालीन राजा ज्ञानेन्द्र शाहद्वारा हटाइएका थिए । त्यसको १२ वर्षपछि देउवा चौंथोपटक प्रधानमन्त्री हुँदा प्रचण्डको साथ पाए । देउवा र प्रचण्डबीच सुमधुर सम्बन्ध बन्यो । त्यसपछि प्रचण्डलाई प्रधानमन्त्री बन्न देउवाले साथ दिएका थिए ।

देउवा पाचौंपटक प्रधानमन्त्री बन्दा प्रचण्डको साथ पाएका छन् । प्रचण्डले देउवालाई प्रधानमन्त्री बनाउन नेकपा विघटन देखि वामपन्थी एकता नै तोडेको इतिहास छ ।

अहिले प्रचण्ड देउवासँग नै मिलेर चुनावमा जान चाहन्छन् । सम्भवत मंसिरको चुनावमा प्रचण्डको पहिलो रोजाई नै देउवासँगको गठबन्धन छ । उनले सार्वजनिक रुपमा वामपन्थी गठबन्धन या समाजवादी केन्द्र गठनलाई नकारेका छन् । उनले काँग्रेससँगको गठबन्धनमै जोड दिए ।

प्रचण्डले देउवासँग आलोपालो प्रधानमन्त्रीको विषय पनि उठाइसकेका छन् । उनले चुनावपछि आफूलाई प्रधानमन्त्रीको दाबेदारका रुपमा उभ्याएका छन् । यसरी देउवा र प्रचण्डबीचको कनेक्शन महत्वपूर्ण बनेको छ ।

विगतमा प्रचण्डले देउवासँगको गठबन्धनलाई छाडेर एमाले अध्यक्ष केपी शर्मा ओलीसँग हात मिलाए । ओलीसँग उनको आलोपालो प्रधानमन्त्रीको सहमति बनेको थियो । तर, ओलीले प्रधानमन्त्री छाड्न नमानेपछि नेकपा विभाजनको अवस्थासम्म पुग्यो । ओलीले सहमति तोडेको भन्दै प्रचण्ड देउवासँगको भद्र सहमतिका साथ बढ्न थालेका छन् । उनको देउवासँगको कनेक्शन कहाँसम्म कसरी पुग्ने हो ? चासो बनेको छ ।

नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले समाजवादी केन्द्रको निर्माण विषयमा कुनै छलफल नभएको पनि बताएका छन् ।

शुक्रबार प्रेस सेन्टर नेपालको दोस्रो पूर्ण बैठकलाई सम्बोधन गर्दै अध्यक्ष प्रचण्डले केही व्यक्तिहरुले समाजवादी केन्द्र बनाउने विषयमा छलफल गरेतापनि माओवादी केन्द्रले त्यस विषयमा छलफल नगरेको जानकारी दिए ।

अहिलेको अवस्थामा वर्तमान गठबन्धनसँगै रहेर आगामी निर्वाचनमा जाने र अहिले गठबन्धनको विकल्प नरहेको उनले बताए । उनले भने, प्रचण्डले भने, ‘यो गठबन्धन टुटेर अर्को बन्छ कि भन्ने भ्रमबाट मुक्त हुनुहोला । यही गठबन्धनबाट शान्ति प्रक्रिया टुंग्याउने हो ।’

उनले स्थानीय चुनावको अनुभव भने त्यति मीठो नभएको बताए । ‘नेपाली कांग्रेस शक्तिको हिसाबले अलिकति ठूलो छ । त्यसैले स्वतः नेतृत्व कांग्रेसको हुने भयो । तर, लोकल इलेक्सनको अनुभव त्यति धेरै मीठो भएको छैन । प्रदेश र संघमा त्यसबाट शिक्षा लिएर राम्रो तयारीका साथ जानुपर्छ ।’

यो खबर पढेर तपाईलाई कस्तो महसुस भयो ?

ट्रेन्डिङ

सम्बन्धित खवर

Advertisment

छुटाउनुभयो कि? सबै