Comments Add Comment

प्रसाद २ : गाउँ फर्किए बाबुराम र नारायणी

काठमाडौँ– फिल्म ‘प्रसाद’ को सफलता पश्चात यसको सिक्वेलको तयारीमा टिम जुटेको छ । विपिन कार्की, नम्रता श्रेष्ठ, निश्चल बस्नेत अभिनीत फिल्ममा यसपटक केही नयाँ अनुहार भित्रिएका छन् भने पुराना निस्किएका छन् । यसपटक विपिन र नम्रतासँगै फिल्ममा अर्पण थापा थपिएका छन् । निश्चल भने छैनन् । फिल्मलाई सुशील पौडेलले नै लेखेका हुन् । फिल्ममा नम्रता र विपिनले नारायणी र बाबुरामको पात्रमा दम्पतीको भूमिका निर्वाह गर्दैछन् ।

प्रसाद बाबुराम र नारायणीमा केन्द्रित थियो । फिल्ममा यी दुईको सामाजिक, जातीय र आपसी द्वन्द्वलाई समेटिएको थियो । जातीय विभेद र निस्सन्तान हुनुको पीडा भोगेका बाबुराम परियार र नारायणी कार्की १२ वर्षपछि गाउँ फर्किएपछिको कथालाई सिक्वेलमा देखाइने छ । ‘बाबुराम र नारायणी गाउँ किन फर्किए ? के भोग्लान् ? के गर्लान् ? के होला त ? यी यस्तै जिज्ञासालाई सिक्वेलले मेटाउने छ’ लेखक पौडेलले बताइसकेका छन् ।

‘प्रसाद’ सहरकै सेरोफेरोमा खिचिएको थियो । यद्यपि यसपटक गाउँमा छायांकन हुने भएपछि निर्माण टोलीसँगै बाबुराम र नारायणी अर्थात् विपिन र नम्रता पनि गाउँ पुगेका छन् । उनीहरु बागलुङ र कास्कीका गाउँ-गाउँमा पुगेर त्यहाँको रहनसहन र लवज सिक्दैछन् । आफ्नो पात्रलाई जीवन्त बनाउन बाबुराम र नारायणीकै भेषमा उनीहरु गाउँ डुलिरहेका छन् । गाउँमा रहेका बाबुराम र नारायणी हाउभाउ, भेषभूषा र बोलीचालीलाई खाँट्टी बनाउन चाहन्छन् ।

ल्वाङघलेल गाउँमा केही दिन कार्यशाला सकेर फिल्मको छायांकन गर्ने तयारी टिमको छ । सुदर्शन थापाले निर्देशन गर्ने फिल्मका प्रस्तुतकर्ता शुभाष थापा हुन् भने उनलाई निर्माणमा केशव पाण्डेले सघाउँदैछन् । फिल्मलाई तिहारमा प्रदर्शन गर्ने योजना छ ।Khabarhub

यो खबर पढेर तपाईलाई कस्तो महसुस भयो ?

ट्रेन्डिङ

सम्बन्धित खवर

Advertisment

छुटाउनुभयो कि? सबै