Comments Add Comment

कमरेड र पुर्वकमरेड ब्रेकफास्ट मिटिङमा! कमरेडले भने:पुर्वमाओवादी एकता छिट्टै

´नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र जनता समाजवादी पार्टीका संघीय परिषद् अध्यक्ष डा. बाबुराम भट्टराईबीच उपराष्ट्रपति नन्दबहादुर पुनको निवास लैनचौरमा ‘ब्रेकफास्ट मिटिङ’ भएको छ । जनता समाजवादी पार्टी ‘हाइज्याक’का विषयमा दुई नेताबीच छलफल भएको हो ।

‘हिजो (शनिवार) बिहान उपराष्ट्रपतिज्युको निवासमा प्रचण्ड-बाबुरामबीच भेट भएको थियो,’ स्रोतले लोकान्तरसँग भन्यो, ‘जसपा विभाजन हुन लागेको विषयमा ती दुई नेताबीच छलफल भएको हो ।’

भेटमा प्रचण्डले जसपा फुटाएर नेकपा एमालेसँग गठबन्धन गर्न लागेको हो भनेर बाबुरामलाई प्रश्न गरेका थिए ।

बाबुरामले शेरबहादुर देउवा नेतृत्वको सरकारलाई समर्थन दिने र कांग्रेससहितको गठबन्धनमा नै आफूहरू बस्ने प्रचण्डलाई आश्वस्त पारेका थिए ।

‘हामी बहुमत जुटाएर जसपा दाबी गर्न लागेको हो, सरकारलाई दिएको समर्थन कायमैं राख्छौं,’ भट्टराईले प्रचण्डलाई भनेका थिए ।

जसपाका कार्यकारी अध्यक्ष उपेन्द्र यादवले एकलौटी ढंगले आफूखुशी गर्दै आएको भट्टराईले प्रचण्डसमक्ष गुनासो व्यक्त गरेका थिए ।

‘तपाईंले पनि जहिल्यै उपेन्द्रलाई नै बोक्नुहुन्छ, प्रधानमन्त्री देउवाले पनि उपेन्द्रलाई नै साथ दिने गर्नुभएको छ,’ प्रचण्डलाई बाबुरामले भनेको कुरा उद्धृत गर्दै स्रोतले लोकान्तरसँग भन्यो । त्यसपछि प्रचण्डले पार्टी फुट्ने अवस्था नै आएको हो भने झगडा गरेर भन्दा पनि मिलेर विभाजन गर्न सुझाव दिएको स्रोतले जनाएको छ ।

‘पार्टीमा तपाईंको बहुमत छँदैछ, जसपा तपाईंले दाबी गर्नुस्, उता उपेन्द्रजीलाई पनि छुट्टै पार्टी विभाजन गरेर जान दिनका लागि राजनीतिक दलसम्बन्धी ऐनको प्रतिस्थापन विधेयक संसदमा ल्याउन प्रधानमन्त्री देउवालाई म पनि गठबन्धनको बैठकमा आग्रह गर्छु,’ प्रचण्डको भनाइ उद्धृत गर्दै स्रोतले भन्यो ।

शनिवार भएको सहमति अनुसार आइतवार बसेको गठबन्धन बैठकमा प्रचण्डले प्रधानमन्त्री देउवालाई प्रतिस्थापन विधेयक ल्याएर जसपा विभाजनको बाटो खोलिदिन आग्रहसमेत गरिसकेको बताइएको छ।
यसैबीच प्रचण्डले पुर्वमाओवादीको एकताको माहोल बनेको बताएका छन् ।केही दोस्रो तहको नेता सहित प्रचण्ड स्वयम् एकताको लागि पहल गरिरहेका छन् ।विप्लव देखि बाबुराम सम्म भेटवार्ता गरिरहेका छन् ।माधब नेपाल देखि बाबुराम सम्म अटाउनेगरी समाजवादी केन्द्रको बहस चलिरहेको छ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment