Comments Add Comment

कर्णालीमा थप ४२५ जनामा कोरोना संक्रमण पुष्टि, ५१२ जना डिस्चार्ज

कर्णालीमा थप ४२५ जनामा कोरोना संक्रमण पुष्टि, ५१२ जना डिस्चार्ज

सुर्खेत । केही दिनयता कर्णालीमा लगातार कोरोना जितेर निको हुनेको संख्या बढिरहेको छ । संक्रमित र डिस्चार्ज हुनेको संख्यामा केही अन्तरमा जित्नेको संख्या बढेको देखिन्छ । पछिल्लो २४ घण्टामा पनि ५१२ जनाले कोरोना भाइरस जितेर डिस्चार्ज हुँदा ४२५ जना नयाँ कोरोना संक्रमित थपिएका छन् ।

स्वास्थ्य सेवा निर्देशनालयका अनुसार आज ५१२ जनामा गरिएको आरटी पीसिआर विधिको परीक्षणमा २१९ र ७०१ जनामा गरिएको एन्टिजेन परीक्षणमा २०६ जनामा कोरोना भाइरस संक्रमण पुष्टि भएको छ । हाल ५ हजार ५ सय ५५ जना सक्रिय संक्रमित आइसोलेशनमा रहेका छन् । जसमा धेरै जसो बिरामीहरु होम आइसोलेसनमै बस्ने गरेको छन् ।

यस्तै पछिल्लो समय मृत्युदरको संख्यामा पनि कमी आएको छ । आज जुम्लामा १, सल्यानमा १ र सुर्खेतमा २ जना गरी ४ जनाको कोरोनाबाट मृत्यु भएको छ । योसँगै कर्णालीमा कोरोनाबाट मृत्यु हुनेको संख्या २४७ पुगेको छ ।

यो खबर पढेर तपाईलाई कस्तो महसुस भयो ?

ट्रेन्डिङ

सम्बन्धित खवर

Advertisment

छुटाउनुभयो कि? सबै